睇threads推薦鄧醫生，成個過程好快，3分鐘左右就剝咗左下橫生智慧齒，又唔痛，最重要係之後幾日塊面無腫！！
一直都唔知要搵邊間牙齒剝我橫生嘅智障齒，直到見到鄧醫生嘅光速剝牙，好想體驗下，book左一星期後，照x ray快，剝得仲快 第一隻都唔使廿秒，心諗光速剝牙名不虛傳，第二隻麻煩啲，但都超級快 入去剝牙出返黎10分鐘頂盡，最痛係支麻醉，期間護士溫柔安慰，令你可以安心瞓低。 建議有智障齒問題，快啲去體驗下鄧醫生嘅光速剝牙，快到你未識驚就完左。 留返兩隻下次再體驗過😆
下顎手術型，向前一隻牙打橫推，間唔中推下發下炎覺得好煩所以好早搵在港家人book定日子，返香港時剝連洗牙。 唔係等咗好耐已經入咗去，工廠流水作業。 照x-ray，兩個女助手洗牙用埋牙線，非常專業同溫柔，亦認真解答問題。入去見鄧仔，睇片時問佢可唔可以一次過剝右上左下各一隻，佢表示唔好晒錢喺右上，因為根據佢生長方向應該呢世都唔會發出嚟（方向係往面豬登生）所以婉拒咗我。 開刀左下一隻，一刀，放枱面，再一刀放枱面，兩嘢埋線佢就走咗去趟門另一面，自此我就無見過佢。🤣腫咗四五日，食到嘢嘅係，埋線係無得揀溶線嘅。一星期後姑娘拆線就飛返海外。零廢話快狠準，我本身唔太驚牙科相關嘅嘢所以無話好驚/緊張，而全部姑娘都非常忙碌但保持到溝通又專業，全程三個項目加一個拆線係七千港幣有找。希望幫到大家。
姑娘好溫柔會不斷安慰我，鄧醫生快靚正！真係5分鐘都唔使就開刀剝左隻智慧齒，打麻醉都唔係好痛，係啲鑽牙聲聽落好恐怖。
朋友介紹話剝智慧齒輪定要搵鄧醫生，朝早9點打去診所，姑娘聽電話好溫柔問我邊到吾舒服，然後了解後叫我10點去睇，10點到達診所，已經好多人，以為要等好耐，結果1個鐘頭內搞掂哂。 鄧醫生手勢好又快，10分鐘麻醉加剝埋2隻牙，打麻醉之後驚到喊，姑娘好好，不停安慰我，仲比左隻公仔我，成間診所比我感覺好好，絕對會推介比朋友